Yn Hyrwyddo Balchder yn Pride Abertawe
Dyma lle i rannu straeon, newyddion a gweithgareddau da o bob cwr o’r rhanbarth.
Yma, rydyn ni’n tynnu sylw at y gwaith sy’n digwydd drwy bartneriaethau gyda phobl, cymunedau a sefydliadau, i wella lles ac i wneud gwasanaethau’n fwy hygyrch ledled Gorllewin Morgannwg.
Pride Abertawe 17.05.25 🌈
Roedden ni wrth ein boddau’n cymryd rhan yn Pride Abertawe dros y penwythnos, yn ymuno yn y dathliadau gyda’n stondin llawn lliw a gweithgareddau rhyngweithiol. Cafodd ein tîm amser gwych yn sgwrsio gyda’r bobl oedd yno, yn rhannu gwybodaeth am ein gwaith, ac yn dysgu o’r straeon a’r profiadau ysbrydoledig a rannwyd gyda ni. Roedd y diwrnod yn llawn egni, croeso, ac ysbryd cymunedol cryf.
Fel rhan o’n gwaith ymgysylltu, gwahoddon ni bobl i gyfrannu at Goeden Lles Gorllewin Morgannwg – gweithgaredd creadigol a myfyriol oedd yn annog pobl i rannu enghreifftiau o bethau sy’n cyfrannu at eu lles emosiynol. Roedd hyn yn arbennig o addas gan fod yr ŵyl yn cyd-fynd ag Wythnos Ymwybyddiaeth Iechyd Meddwl 2025. Roedd yr ymatebion yn garedig, ystyriol ac ysbrydoledig, yn tynnu sylw at y ffyrdd amrywiol mae pobl yn meithrin eu hiechyd meddwl a’u gwytnwch emosiynol.
Fe wnaethom hefyd hyrwyddo rhai o’r adnoddau Iechyd Meddwl allweddol sydd ar gael yn ein rhanbarth, sef Sorted Supported (www.sortedsupported.org.uk) a tidyMinds (https://tidyminds.org.uk).
Diolch enfawr i bawb a ddaeth i ddweud helo, cymryd rhan yn y gweithgaredd, neu gael sgwrs fach. Fe wnaeth eich cefnogaeth ac ewyllys dda wneud y diwrnod hyd yn oed yn fwy arbennig i ni.
