Yn Hedfan y Faner yn Pride CNPT 🌈

Cawsom ddiwrnod gwych yn Pride Castell-nedd Port Talbot ar 9 Awst, ac roeddem wrth ein boddau i fod yn rhan o ddathliadau mor arbennig! Gwnaeth ein Coeden Lles Gorllewin Morgannwg ymddangos eto, gan annog pobl i feddwl am yr hyn y mae nhw’n gwneud bob dydd i wella eu llesiant meddyliol.

Diolch enfawr i bawb a stopiodd i siarad â ni ac i lenwi deilen! 🍃

Hoffem hefyd ddiolch i’r trefnwyr am eu waith caled ac am ein cynnwys mewn diwrnod mor wych!

City Chill yn Haul yr Haf ☀️

Ar 12 Awst, dychwelwyd i’r Cwtsh Cydweithio ar gyfer Gŵyl Rhynggenhedlaeth Canol Haf Cyngor Abertawe, fel rhan o’u cyfres o ddigwyddiadau ‘City Chill’. Cawsom amser gwych yn ymgysylltu â’r gymuned ac yn rhwydweithio gyda sefydliadau eraill yn yr ardal. Hoffem ddiolch yn arbennig i Sadie’s Butterflies am adael i ni ddefnyddio eu pabell i ddianc rhag y gwres 30 gradd!

Diolch i’n ffrindiau yn Nhîm Partneriaeth ac Ymgysylltu Cyngor Abertawe am ein gwahodd i ddiwrnod mor hwyliog, lle cawsom ein diddanu gan berfformiadau gan gerddorion lleol, dawnswyr a’r Côr Heneiddio’n Dda 🎵

Rydym yn edrych ymlaen at fynychu rhagor o ddigwyddiadau yng Nghastell-nedd Port Talbot ac Abertawe yn yr wythnosau nesaf – gan obeithio am fwy o heulwen a hwyl! 😎