Ar 18 Medi 2025, gwnaethom ddychwelyd i Stadiwm Swansea.com ar gyfer ein trydydd digwyddiad gofalwyr blynyddol, “Gofalwyr Di-dâl: Rhoi Gweledigaeth ar Waith.” Cawsom amser gwych yn clywed gan ofalwyr di-dâl yn y rhanbarth a’u cysylltu â gweithwyr proffesiynol a gwasanaethau i ysbrydoli newid yn ein hardal.

Trafodwyd pynciau amrywiol sy’n bwysig i ofalwyr di-dâl megis rhwystrau, adnabyddiaeth a chydnabyddiaeth, cyrraedd mwy o ofalwyr di-dâl a llunio’r dyfodol i ofalwyr di-dâl. Clywsom gan amrywiaeth o siaradwyr gan gynnwys Chris Law a Jo Phillips, cynrychiolwyr gofalwyr di-dâl Gorllewin Morgannwg, Gaynor Richards, cyfarwyddwr GGC Castell-nedd Port Talbot y Cynghorydd Steve Hunt, Cadeirydd y Bwrdd Partneriaeth Rhanbarthol ac Arweinydd Cyngor CNPT, a Rebecca Platt, ein Swyddog Cyswllt Gofalwyr, yn ogystal â’r gwestai arbennig Kate Cubbage, Cyfarwyddwr Ymddiriedolaeth Gofalwyr Cymru. Dywedodd Dave Howes, Cyfarwyddwr y Gwasanaethau Cymdeithasol yng Nghyngor Abertawe, ychydig o eiriau i gloi’r digwyddiad.

“Roedd yn wych bod yn rhan o’r trydydd Digwyddiad Gofalwyr Di-dâl blynyddol, Rhoi Gweledigaeth ar Waith. Mae gofalwyr di-dâl yn gwneud cyfraniad enfawr at ein system Iechyd a Gofal Cymdeithasol felly mae’n hanfodol ein bod ni’n cyrraedd mwy o ofalwyr di-dâl yn ein rhanbarth i sicrhau eu bod yn cael y gefnogaeth gywir. Diolch i bawb a fu’n rhan o hyn.”
– Cynghorydd Steve Hunt

Diolch i bawb a ddaeth ac a gymerodd ran yn y digwyddiad, bydd eich cyfraniadau’n helpu i lunio dyfodol Gofalwyr Di-dâl yn y rhanbarth, byddwch yn chwilio am fwy o sylw i’r digwyddiad hwn a thu hwnt ar ein sianeli cyfryngau cymdeithasol a’n cylchlythyr!