Cydweithio Rhanbarthol ar gyfer Iechyd Meddwl ac Anableddau Dysgu
Mae hwn yn faes allweddol o’r Rhaglen Trawsnewid Gofal Cymhleth, i ddysgu mwy am y rhaglen cliciwch yma.
Gwella cydlynu a gwneud penderfyniadau
Mae’r gwaith hwn yn canolbwyntio ar gryfhau cydweithio ar draws y gwasanaethau iechyd meddwl ac anableddau dysgu. Mae’n cefnogi partneriaid i weithio gyda’i gilydd yn fwy cyson, yn enwedig lle mae angen cymorth ar bobl gan fwy nag un sefydliad neu lle mae angen cytuno ar gyfrifoldebau cyllid a gofal.
Y nod yw lleihau oedi, gwella tryloywder a sicrhau bod pobl a theuluoedd yn derbyn cymorth cliriach a mwy amserol. Mae hyn yn cynnwys datblygu prosesau a rennir ar gyfer ariannu ar y cyd, cyllidebau cyfun, rhannu risgiau a datrys anghydfodau.
Drwy wella comisiynu rhanbarthol a chydweithio, gallwn wneud gwell defnydd o adnoddau a threulio mwy o amser yn canolbwyntio ar wella cymorth i bobl ag anghenion cymhleth.
Mae blaenoriaethau presennol yn cynnwys:
- Datblygu ymagwedd ranbarthol at Ofal Iechyd Parhaus y GIG a threfniadau Ariannu ar y Cyd.
- Cyflwyno prosesau datrys anghydfodau cyffredin i gefnogi penderfyniadau cyflymach.
- Cryfhau comisiynu cyson, a arweinir gan bartneriaeth ar gyfer gwasanaethau iechyd meddwl ac anableddau dysgu.